Maliyyə və sığorta risklərinin idarəolunması üzrə təcrübəçi
Ümumi məlumat
PAŞA Sığorta ASC namizədləri Maliyyə və sığorta risklərinin idarəolunması üzrə təcrübəçi - Data Analitik vəzifəsinə müraciət etməklə peşəkar komandanın üzvü olmağa dəvət edir.
Bu vəzifə şirkətin maliyyə və sığorta risklərinin müəyyənləşdirilməsi, təhlili və idarə olunması proseslərində fəal iştirak etməyi nəzərdə tutur. Təcrübəçi müxtəlif mənbələrdən məlumatların çıxarılması, təmizlənməsi və strukturlaşdırılması, trendlərin müəyyən edilməsi, habelə risklərin qiymətləndirilməsi və modellərin hazırlanmasında komandaya dəstək göstərərək biznes problemlərinin data əsaslı həllinə töhfə verəcəkdir.
Bizim Təklifimiz
- Peşəkar inkişaf və karyera yüksəlişi imkanları;
- Dəstəkləyici və əməkdaşlıq mühitində işləmək imkanı;
- Şirkətin uğuruna birbaşa təsir etmək şansı;
- “Great Place To Work” sertifikatlı şirkətdə çalışma imkanı.
*Yalnız ilkin seçim tələblərinə cavab verən namizədlərlə əlaqə saxlanılacaqdır.
Öhdəliklər
- Məlumatların dəqiqliyinə, ardıcıllığına və tənzimləyici normalara uyğunluğuna nəzarət etmək;
- Müxtəlif mənbələrdən (polis idarəetmə, sığorta iddiaları, CRM, maliyyə sistemləri) məlumatları çıxarmaq, təmizləmək və strukturlaşdırmaq;
- Trend və anomaliyaları müəyyən etmək üçün araşdırıcı məlumat analizlərini (EDA) aparmaq;
- Risklərin qiymətləndirilməsi və modellərin hazırlanmasında komandalara dəstək göstərmək;
- Biznes problemlərinin data əsaslı həllərə çevrilməsinə yardım etmək;
- Müvafiq daxili hesabatları hazırlamaq;
- Birbaşa rəhbər tərəfindən verilən digər tapşırıqları icra etmək.
Tələblər
Bilik və Bacarıqlar
- Yüksək səviyyədə MS Excel biliyi;
- Orta səviyyədə SQL biliyi;
- Power BI ilə ilkin işləmə bacarığı;
- Python biliyi arzuolunandır;
- Riyazi-analitik həllərin tətbiqi və iri həcmli məlumat bazaları ilə işləmə bacarığı;
- Məlumatların vizuallaşdırılması və təqdimat bacarıqları;
- GLM, prediktiv modelləşdirmə və aktuari metodlar üzrə biliklər arzuolunandır;
- Məntiqi və analitik düşüncə tərzi;
- Komandada işləmə və effektiv ünsiyyət bacarıqları;
- Məsuliyyət, təşəbbüskarlıq və stressə davamlılıq;
- Dil bilikləri: Azərbaycan, İngilis, Rus.
Təhsil və Təcrübə
- İqtisadiyyat, Maliyyə, Statistika və ya Riyaziyyat sahəsində ali bakalavr dərəcəsi;
- 1 ilə qədər müvafiq sahədə iş təcrübəsi arzuolunandır;
- Müvafiq sahə üzrə sertifikatların olması arzuolunandır.
Məlumat veriləcək
Maaş
© 2026, Tecrube.az komandası tərəfindən hazırlanıb